16 vikna námskeið í stúdíóum TónhylsX — hópavinna, tengslamyndun og regluleg innlit frá Þormóði Eiríkssyni pródúser. Hentar bæði artistum og pródúserum sem hafa grunn og vilja komast á næsta stig.
Í Tónhyl X er lögð mikil áhersla á að lagahöfundar geti unnið sjálfstætt, þróað sína eigin rödd og myndað tengsl við aðra. Við viljum búa til rými þar sem ungt fólk getur gert það sem það elskar.
Kennsluaðferðin
Við setjum upp umhverfi þar sem þátttakendur fá verkfæri og nota þau við lagasmíðarnar. Ekki mikil bein kennsla — við látum þig læra með því að gera. Kennt á FL Studio og Logic Pro.
Fyrir hvern?
Tónhylur X er opið öllum sem vilja læra tónlistargerð, hvort sem þú ert byrjandi eða komin/n lengra. Mikil áhersla er lögð á popp- og rapptónlist en við tökum vel á móti öllum stílum.
Lokamarkmiðið
Í lok námskeiðs er markmiðið að þátttakendur geti unnið sjálfstætt í stúdíóunum. Við viljum sjá þig finna þinn stíl og gefa út. Lesa meira →
Umsjón námskeiða er í höndum Núma Steins — mikil reynsla í að vinna með ungu fólki og í tónlistargerð. Þá er einnig mikið af atvinnutónlistarfólki að vinna í húsinu sem tekur þátt í gestainnkomum og ráðgjöf.
Í hverju stúdíói geta að hámarki verið 4 manns í einu. Við höldum hópana lítil til þess að tryggja bestu mögulegu upplifun og gæðakennslu.
Er sjoppa eða hægt að fá eitthvað að borða/drekka?+
Já! Við bjóðum upp á allskonar snarl og drykki á staðnum. Þú þarft ekki að koma með neitt með þér.
Þarf ég að hafa reynslu til að ganga í Tónhylur X?+
Nei! Tónhylur X tekur vel á móti öllum stílum og reynslustigi. Við höfum námskeið og þrep sem henta bæði byrjendum og þeim sem eru lengra komnir.
Hvaða búnað þarf ég að koma með?+
Ekkert! Allur búnaður er á staðnum — FL Studio, Logic Pro, heyrnartól, midi-keyboard og allt annað sem þú þarft. Þú kemur bara með þig.
Hvenær er hægt að bóka stúdíótíma?+
Stúdíóin eru opin mánudag til föstudag frá 16:00–23:00, laugardag og sunnudag frá 12:00–23:00. Síðasta bókun er kl. 22:00. Bókanir fara fram í gegnum Noona.
Get ég skipt um áskriftarþrep?+
Já, hægt er að breyta þrepi við næsta mánuðarmót. Hafðu samband við okkur og við sjáum um það.
Hvað er aldurstakmörk?+
Meðlimakerfið er fyrir einstaklinga 16 ára og eldri. Námskeið eru í boði fyrir yngri — allt frá 14 ára.
Er hægt að fá frístundastyrkinn nýttan?+
Já! Gold, Platinum og Studio Pass meðlimir geta nýtt sér frístundastyrkinn. Hafðu samband við okkur og við hjálpum þér í gegnum það.
Bakhjarlar
Vertu hluti af þessu
Við erum alltaf opin á nýtt samstarf. Sem bakhjarl fáið þið sýnileika á viðburðum, námskeið og efni sem við framleiðum — á samfélagsmiðlum, lokasýningum og fleiru. Stórum sem smáum.
Tónlistarcamp yfir helgi og mánaðarleg hlustunarkvöld — við sköpum tækifæri til að vaxa, læra og tengjast öðrum meðlimum.
Nýtt verkefni
Tónlistarcamp
Tónlistarcamp
Heil helgi þar sem 9 meðlimir fá að upplifa alvöru tónlistarcamp — þrír próduserar og sex artistar vinna saman í stúdíóunum okkar.
Dagsetning
4.–6. sept
Format
3 prod · 6 art
Verð
19.990 kr.
Innifalið: Stúdíótími að andvirði 94.000 kr · Frír matur · Fyrirlestur frá fagmanni · Artist kemur í lok campsins og hlustar
Fös 4.17:00 – 00:00
Lau 5.12:00 – 00:00
Sun 6.12:00 – 20:00
Skráðu þig sem artist eða próduser. Þátttaka er opin öllum meðlimum.
Mánaðarlegt
Hlustunarkvöld
Allir meðlimir geta komið með eitt lag og sýnt hópnum — hvort sem það er frágengið eða verk í vinnslu. Á hverju kvöldi kemur frægur artist eða próduser sem hlustar og gefur endurgjöf.
Með skráningu í TónhylurX staðfestir þú að þú hefur lesið, skilið og samþykkt eftirfarandi skilmála.
01 Hegðun og umgengni
1.1Meðlimir skuldbinda sig til að fara vel með alla aðstöðu, búnað og tæki TónhylX.
1.2Sýna skal öllum í TónhylX — meðlimum, starfsfólki og gestum — fulla virðingu. Einelti, áreitni eða mismunun af nokkru tagi er ekki liðin og getur leitt til brottvísunar.
1.3Meðlimir skulu virða bókaða stúdíótíma og skila aðstöðu á þeim tíma sem bókun rennur út. Seinkun á að skila aðstöðu getur haft áhrif á bókunarréttindi.
1.4Notkun áfengis eða annarra vímuefna í húsnæði TónhylsX er stranglega bönnuð. Brot leiðir óhjákvæmilega til brottvísunar og riftunar á aðild.
02 Hugverkaréttindi og ábyrgð á efni
2.1TónhylurX gerir engar kröfur til eignarréttinda yfir tónlist, texta eða öðru efni sem skapað er í aðstöðu TónhylX. Öll hugverkaréttindi tilheyra höfundunum.
2.2TónhylurX ber ekki ábyrgð á tónlist sem er samin, tekin upp eða gefin út af meðlimum, hvort sem um er að ræða textagerð, lagasmíð, miðlun eða dreifingu.
2.3TónhylurX kann að bjóða upp á ráðgjöf, stuðning eða tengsl varðandi kynningu og útgáfu tónlistar, en er ekki skuldbundið til þess. Slíkar þjónustur eru eftir atvikum samningsbundnar sérstaklega.
2.4Meðlimir bera sjálfir ábyrgð á því að tryggja réttindi til efnis sem þeir nota í sínar lagasmíðar, m.a. samples, laga- og textaréttindi.
03 Persónuvernd
3.1TónhylurX meðhöndlar persónuupplýsingar í samræmi við íslenska löggjöf um persónuvernd og persónuverndarstefnu TónhylX.
3.2Með skráningu heimilar meðlimur TónhylX að nota nafn, mynd eða efni í kynningarlegum tilgangi á samfélagsmiðlum, nema annað komi fram skriflega.
04 Aðild og greiðslur
4.1Aðild tekur gildi við staðfestingu skráningar og greiðslu.
4.2Árleg eða mánaðarleg gjöld eru ekki endurgreidd nema sérstakar aðstæður séu fyrir hendi.
4.3Ef greiðsla misheppnast er TónhylX heimilt að fresta aðgangssréttindum þar til greiðsla hefur borist.
05 Sérstakar reglur um Gull-aðild
5.1Gull-aðild er mánaðarleg áskrift sem veitir aðgang að fastri stúdíóleigu.
5.2Segja þarf upp áskrift skriflega, með tölvupósti á tonhylurx@tonhylurx.is, með að minnsta kosti mánaðarfyrirvara. Uppsögn tekur gildi í lok þess mánaðar sem fyrirvari rennur út.
5.3Áskrift verður ekki sagt upp með afturvirkum hætti. Gjald fyrir yfirstandandi mánuð er ekki endurgreitt þótt meðlimur hafi ekki nýtt sér aðstöðuna.
5.4TónhylurX áskilur sér rétt til að breyta gjaldskrá með mánaðarfyrirvara. Tilkynning verður send á skráð netfang meðlims.
06 Brot á skilmálum og brottvísun
6.1Brot á ofangreindum skilmálum getur leitt til varanlegrar eða tímabundinnar brottvísunar úr TónhylX.
6.2TónhylurX áskilur sér rétt til að meta hvert tilvik fyrir sig og ákvarða viðeigandi viðbrögð, þ.m.t. aðvörun, tímabundið bann eða endanlega riftun á aðild.
6.3Við riftun á aðild vegna brots er ekki endurgreitt fyrir ónotaðan tíma.
07 Takmarkanir á ábyrgð
7.1TónhylurX ber ekki ábyrgð á tjóni, þjófnaði eða glötun persónulegra eigna á meðan á dvöl í húsnæðinu stendur.
7.2TónhylurX ber ekki ábyrgð á truflunum á þjónustu vegna atvika utan stjórnunar félagsins, svo sem rafmagnsleysis, náttúruhamfara eða annarra óviðráðanlegra aðstæðna.
Síðast uppfært · Ágúst 2026
Tónhylur X — 2026
Sækja um meðlimaaðild
Takk fyrir umsóknina!
Við höfum móttekið umsókn þína og munum hafa samband við þig eins fljótt og mögulegt er.
