Grunnnámskeið í tónlistargerð — pródúsering, upptökur og lagasmíð. Kennt á FL Studio og Logic Pro í stúdíóum Tónhyls X.
Væntanlegt · Nýtt námskeið
Byrjendanámskeið 8. bekkur
Nýtt námskeið sérstaklega fyrir yngri lagahöfunda — kynning á tónlistargerð, pródúseringu og upptökum í stúdíói. Skráning opin á Abler — lokar 4. október kl. 23:59.
Byrjar 5. októberFyrir 8. bekkFL Studio & Logic Pro
Eitt 5 klukkustunda námskeið í tónlistargerð í tölvu þar sem m.a. er farið í pródúseringu, upptökur og lagasmíð. Þátttakendur vinna saman í hópum. Markmiðið er að þátttakendur fái grunnverkfærin í FL Studio og Logic Pro.
5 klst · 10:30–15:30FL Studio & Logic ProHópavinna
Nýtt námskeið fyrir eldri lagahöfunda — dýpri fókus á sköpun, pródúseringu og útgáfu. Skráðu þig á póstlista til að fá tilkynningu þegar nánari upplýsingar liggja fyrir.
Tilkynnt síðarFyrir 16–20 áraFL Studio & Logic Pro
Tónlistarcamp þar sem pródúserar og artistar vinna saman í stúdíóunum okkar. Tvær útgáfur — heil helgi eða einn dagur.
Nýr viðburður
X-Camp
Heil helgi · 4 pródúserar · 8 artistar
Verð
29.990 kr
Hvenær
Fyrsta helgi hvers mánaðar
DagsetningarTilkynntar síðar
Dæmi um dagskrá
FÖS17:00
17:30 Kynnum helgina
18:00 Raðað í stúdíó og gert tónlist
20:30 Dinner
LAU12:00
15:00 Kynning frá Þormóði
20:00 Dinner
SUN12:00
15:00 Hádegismatur
19:00 Sýning & feedback
Innifalið
Matur innifalinn alla helgina
Mini útgáfa
X-Camp Mini
Heill dagur · 4 pródúserar · 8 artistar
Verð
14.990 kr
Hvenær
2x í mánuði 7 klst
DagsetningarTilkynntar síðar
Dæmi um dagskrá
12:00 Kynning á plani campsins
12:00 Raðað í stúdíó og gert tónlist
16:00 Róterað í stúdíóum
19:00 Dinner
20:00 Róterað í stúdíóum
23:00 Sýning & feedback
Innifalið
Matur innifalinn
ANNAÐ
Hugmyndafræði & Kennsla
Meira um Tónhyl X
Hugmyndafræðin á bakvið Tónhyl X, kennsluaðferðirnar okkar og hvernig þú getur orðið bakhjarl og hluti af þessu.
Markmið okkar
Í Tónhyl X er lögð mikil áhersla á að lagahöfundar geti unnið sjálfstætt, þróað sína eigin rödd og myndað tengsl við aðra. Við viljum búa til rými þar sem ungt fólk getur gert það sem það elskar.
Kennsluaðferðin
Við setjum upp umhverfi þar sem þátttakendur fá verkfæri og nota þau við lagasmíðarnar. Ekki mikil bein kennsla — við látum þig læra með því að gera. Kennt á FL Studio og Logic Pro.
Fyrir hvern?
Tónhylur X er opinn öllum sem vilja læra tónlistargerð, hvort sem þú ert byrjandi eða lengra kominn. Mikil áhersla er lögð á popp- og rapptónlist en við tökum vel á móti öllum stílum.
Lokamarkmiðið
Í lok námskeiðs er markmiðið að þátttakendur geti unnið sjálfstætt í stúdíóunum. Við viljum sjá þig finna þinn stíl og gefa út.
Umsjón námskeiða er í höndum Núma Steins sem hefur mikla reynslu af að vinna með ungu fólki og í tónlistargerð. Þá starfar einnig mikið af atvinnutónlistarfólki í húsinu sem lítur við í kennslustundir og gefur ráð.
Í hverju stúdíói geta að hámarki verið 4 manns í einu. Við höldum hópunum litlum til þess að tryggja bestu mögulegu upplifun og gæðakennslu.
Er sjoppa eða hægt að fá eitthvað að borða/drekka?+
Já! Við bjóðum upp á alls konar snarl og drykki á staðnum. Þú þarft ekki að koma með neitt með þér.
Þarf ég að hafa reynslu til að taka þátt í X-Camp?+
Nei! X-Camp er opið öllum — hvort sem þú ert byrjandi eða lengra kominn. Það sem þú þarft eru grunntökin og áhugi á að vinna með öðrum.
Hvaða búnað þarf ég að koma með?+
Ekkert! Allur búnaður er á staðnum — FL Studio, Logic Pro, heyrnartól, midi-keyboard og allt annað sem þú þarft. Þú kemur bara með þig.
Hver eru aldurstakmörkin?+
X-Camp er opið öllum. Námskeið eru í boði fyrir yngri — nýtt námskeið fyrir 8. bekk er væntanlegt.
Bakhjarlar
Vertu hluti af þessu
Við erum alltaf opin á nýtt samstarf. Sem bakhjarl fáið þið sýnileika á viðburðum, námskeið og efni sem við framleiðum — á samfélagsmiðlum, lokasýningum og fleiru. Stórum sem smáum.
Með skráningu í TónhylurX staðfestir þú að þú hefur lesið, skilið og samþykkt eftirfarandi skilmála.
01 Hegðun og umgengni
1.1Meðlimir skuldbinda sig til að fara vel með alla aðstöðu, búnað og tæki TónhylX.
1.2Sýna skal öllum í TónhylX — meðlimum, starfsfólki og gestum — fulla virðingu. Einelti, áreitni eða mismunun af nokkru tagi er ekki liðin og getur leitt til brottvísunar.
1.3Meðlimir skulu virða bókaða stúdíótíma og skila aðstöðu á þeim tíma sem bókun rennur út. Seinkun á að skila aðstöðu getur haft áhrif á bókunarréttindi.
1.4Notkun áfengis eða annarra vímuefna í húsnæði TónhylsX er stranglega bönnuð. Brot leiðir óhjákvæmilega til brottvísunar og riftunar á aðild.
02 Hugverkaréttindi og ábyrgð á efni
2.1TónhylurX gerir engar kröfur til eignarréttinda yfir tónlist, texta eða öðru efni sem skapað er í aðstöðu TónhylX. Öll hugverkaréttindi tilheyra höfundunum.
2.2TónhylurX ber ekki ábyrgð á tónlist sem er samin, tekin upp eða gefin út af meðlimum, hvort sem um er að ræða textagerð, lagasmíð, miðlun eða dreifingu.
2.3TónhylurX kann að bjóða upp á ráðgjöf, stuðning eða tengsl varðandi kynningu og útgáfu tónlistar, en er ekki skuldbundið til þess. Slíkar þjónustur eru eftir atvikum samningsbundnar sérstaklega.
2.4Meðlimir bera sjálfir ábyrgð á því að tryggja réttindi til efnis sem þeir nota í sínar lagasmíðar, m.a. samples, laga- og textaréttindi.
03 Persónuvernd
3.1TónhylurX meðhöndlar persónuupplýsingar í samræmi við íslenska löggjöf um persónuvernd og persónuverndarstefnu TónhylX.
3.2Með skráningu heimilar meðlimur TónhylX að nota nafn, mynd eða efni í kynningarlegum tilgangi á samfélagsmiðlum, nema annað komi fram skriflega.
04 Aðild og greiðslur
4.1Aðild tekur gildi við staðfestingu skráningar og greiðslu.
4.2Árleg eða mánaðarleg gjöld eru ekki endurgreidd nema sérstakar aðstæður séu fyrir hendi.
4.3Ef greiðsla misheppnast er TónhylX heimilt að fresta aðgangssréttindum þar til greiðsla hefur borist.
05 Sérstakar reglur um Gull-aðild
5.1Gull-aðild er mánaðarleg áskrift sem veitir aðgang að fastri stúdíóleigu.
5.2Segja þarf upp áskrift skriflega, með tölvupósti á tonhylurx@tonhylurx.is, með að minnsta kosti mánaðarfyrirvara. Uppsögn tekur gildi í lok þess mánaðar sem fyrirvari rennur út.
5.3Áskrift verður ekki sagt upp með afturvirkum hætti. Gjald fyrir yfirstandandi mánuð er ekki endurgreitt þótt meðlimur hafi ekki nýtt sér aðstöðuna.
5.4TónhylurX áskilur sér rétt til að breyta gjaldskrá með mánaðarfyrirvara. Tilkynning verður send á skráð netfang meðlims.
06 Brot á skilmálum og brottvísun
6.1Brot á ofangreindum skilmálum getur leitt til varanlegrar eða tímabundinnar brottvísunar úr TónhylX.
6.2TónhylurX áskilur sér rétt til að meta hvert tilvik fyrir sig og ákvarða viðeigandi viðbrögð, þ.m.t. aðvörun, tímabundið bann eða endanlega riftun á aðild.
6.3Við riftun á aðild vegna brots er ekki endurgreitt fyrir ónotaðan tíma.
07 Takmarkanir á ábyrgð
7.1TónhylurX ber ekki ábyrgð á tjóni, þjófnaði eða glötun persónulegra eigna á meðan á dvöl í húsnæðinu stendur.
7.2TónhylurX ber ekki ábyrgð á truflunum á þjónustu vegna atvika utan stjórnunar félagsins, svo sem rafmagnsleysis, náttúruhamfara eða annarra óviðráðanlegra aðstæðna.
